ҚАЗАҚТАР ХАҚЫНДА

        «Қазақтар құрып кете ме?» деген сауалмен екі бет сөз жазып, бір ұлттың болашағын құрбан қылуға бола ма? Сөйтіп, қазақ әулеттерінің жүрегінде дақ салуы қалай? Баспа беттерінде бір мәселе туралы сауал берілсе, ол мәселенің екі жағына тең, бірдей қарау керек. Бір жағына шүбәмен қарап, бір жаңына сеніммен қарап үміт үзбеген дұрыс. Бір ұлттың тағдыры жөнінде әңгіме болғанда, сол ұлттың рухани әдет-ғұрыптары жағын да қамти жазу керек. Сонан кейін барып сол ұлт туралы байыптау айтса болар (мәселен, қазақ туралы Ғабдулғазиз Мұса, Міржақып Дулатовтар сияқты).

Егер бір ұлтты оның тілі мен әдебиетімен бірге жерге көміп, оның әруағына Ясин Шарифті¹ оқитын болса, онда «сау бол, ұлт», «сау бол, тіл», «сау бол, әдебиет» дейсің де кете берсің.

__________

¹ Құранның атақты сүресі.