МАҚСАТ

Ал, енді, үшінші, малменен, тәнменен бірдей болатын ғамал хажы ету секілді деседі. Бұның екі жағы бар. Тәнменен болуына қарағанда намаз секілді болып, наиб болмауы керек. Малменен болуына қарағанда зекет секілді болып, наиб істесе де жарау тиіс. Екі жолменен бірдей пайдаланып, ғұзыр¹ болғанда, қарттық, аурулық сияқты халдерге ұшырағанда, малдық жағын ықтиярға алып, кісіге істету дұрыс болу тиіс. Алайда, өзі сау-саламат болған уақытта наиб істей алмайды деп фәтуа беріпті. Бұл соңғы пара ғалым-дүр.

Зағиф болған уақытта орнына кісі жіберу дұрыс деген ғалымдардың өзі және екіге бөлінеді: бағзыларының пікірінше, хажы жіберуші мойнынан түседі. Әмма имам Махмұд Садыр әл-ислам Испиджаби Қазихан Шайхыслам секілді атақты мұжтаhид² уә ғалымдардың ижтиғат уа тарихижлерінше³ хажы істеушіден кетеді, бұйырушыға тек нәфәха⁴  сауабы ғана жетіседі. Хәттә⁵ барушының мойнынан хажы парызы да түсер еді, тек ихрам ⁶ ниетінде өзінен деп ниет етпеген соң парыз болмайды.

_____________                

¹ Ғұзыр – рұқсат ету.

² Мұжтаhид – ыждағатты, ықыласпен дінді үйрену

³ Ижтиғат уа тарихижлерінше – ықылас қою, берулі.

⁴ Нәфәха  – несібе.

⁵ Хәттә - тіпті.

⁶ Ихрам – Харам