МАҚСАТ

Әмма, мен өзім бұ заман бәделшілерінің қылықтарына қарағанда бәдел-хажы мустахаб та емес. Бұрын мустахаб болса да бұ заманда бәдіғат деймін. Оның үшін бәдел-хаж бұ заманда ғибадат сипатын жойып дүниауи бір санағат¹ кәсіп хүкіміне кірді. Арабстан жерінен hәр бірнеше мың сүрүңкі² қаралар шығып, дүниенің hәр құрлығына жайылып, бәдел іздейді. Со бәделді табудың жолында неше түрлі сипатқа кіреді. Бұлар осы хаж бара алмай өліп кеткен мұсылман қарындастарын³ аяп, жандары ашып соларды міндеттерінен құтқарайын деп жүр дейсіз бе?! Тіпті олай емес. Оларға тек ақша түссе болды. Олар милеттің тамырын шірітіп жатқан құрттар. Біздің ислам милетінің құлдырауына, кейін қалуына осындайлар себеп болған оларды «дәлел мұжауір» «пәлен-түген» деп қағаз беруші моллалар бізде көп болған секілді.

____________

¹ Санағат – жасанды.

² Сүріңкі – сіріңке қара деген болуы ықтимал.

³ Қарындастарын – туыстарын.