ХИЯЛ, ХАҚИҚАТ

Тозаңдай сол адамның

Жер үстінде ғұмыры

Көз кірпігін қақандай.

Адам жүрер сонда да

Мәңгі суын татқандай.

Тұтқасынан асқар тау

Ілінер болса қолына

Қопарып түптеп атқандай.

Ақыл-ойы жетісіп

Сұмдығымен жиһанды

Екі пұлға сатқандай.

Өзі патша, өзі хан

Он жеті мың бар ғалам

Оның үшін түзеліп

Тәртіп назым тапқандай.

Шаттық құрар мәз болып

Қарық олжаға батқандай.

Қиямет мақшар таң тауып

Жер көтерген өгізді

Сойып салып жайратып

Тойын жасап жатқандай.