ӘЛАЙ МА, АЛАШ

Әлай ма алаш, әлай-ма?

Замана жайы бұлай ма?

Түрін айтып заманның

Жақсы менен жаманның

Қозғаған сөзім ұнай ма?

Бастан өткен күндерін,

Есіткенін, білгенін

Кәрілер сөйлеп жылай ма?

Жалауының себебін

Алашым, бізден сұрай ма?

Сұраса айтып берейін

Кешегі өткен заманның

Жері менен суынан.

Ылдиы, жөнейт қырынан,

Қыры менен құмынан,

Ханы менен биінен,

Батыры мен ерінен,

Бәйбіше мен байынан,

Жігіті мен қызынан.