КӨҢІЛГЕ

Сен бе едің жабырқайтын, жасып көңіл?

Таусылмас тіршілікте кәсіп көңіл...

Обалы қатын, бала кімге қалар...

Бір күні тоқтап қалса нәсіп көңіл.

Бір кезде судай шалқып тасқан көңіл...

Талабы қап тауынан асқан көңіл.

Құс жетпес қанат қағып ұшқан көңіл,

Жерлерге жетіп аяқ басқан көңіл...

Ендеше тұра тұршы тоқтап көңіл,

Қайтейін кем-кетікті жоқтап көңіл,

Бұл сырым көңіл саған айта салған

Қалғанын жазам тағы топтап көңіл.