ТҮС

Ылғи жадау мал көрдім

Мойнына арқан байлаған.

Арқандардың бір ұшы

Молдалардың қолында,

Жүк астынан көрініп

Көздері тұр жайнаған.

Көрген шақта бұларды

Ішім білді ұрғанын.

«Бала тұлпар» кітапта

Айтқан сұмдық болғанын.

Ауыстырып танаға

Жұрт күнәсін арқалап,

Өңшең көк ми сорлылар

Өз басына қылғанын.

Жанымдағы ділмарға,

«Кел, кетелік бұлай» деп,

Ишараттап сөз айттым,

«Келіспеді сылай» деп.