АСЫЛ ЕР

Біздің елдің байлары

Қатын жию баққаны

Екеу жетпей, үшті алар.

Басқа елде адамдық

Адалдық етпек жұртына.

Іші, сырты бір қалып,

Сап көңілдік қолданып

Дос, дұшпаны бірдейін

Разы болмақ халқына.

Біздің елде адамдық

Сопылық құрып сызылып,

Екі көзі сүзіліп,

Күні сайын бір қағып

Күн көрсетпес жұртына.

Іші қалай болса да

Ешбір зиян етпейді

Екі жүздік, риялық

Бояуын жағу сыртына.

Қарары жоқ сөзінде,

Ажары жоқ жүзінде,

Ешбір адам жетпейді

Анты менен шынына.