ЖИҺАНГЕР ХАННЫҢ НЕМЕРЕСІ СҰЛТАН ШАҺИНГЕРЕЙ СЕЙДГЕРЕЙ ҰҒЛЫНА

Әулие болсын, пір болсын,

Батыр болсын, ер болсын,

Өз әлімше тексеріп,

Сынап сырын білгенмін.

Сырын біліп бәрінің

Жиып, теріп сұлтаным,

Мыңын бірге бергенмін.

Түпкі бабан белгілі

Баһадүр Шыңғысхан екен.

Арғы атаң атақты

Әбілқайыр, Нұралы

Кіші жүздің елінде

Жарық бір жанған шам екен.

Бабаң Бөкей бас болып

Көлденең жатқан Жайықтан

Көктей етіп, ел бастап

Қоныс алған хан екен.