ЖИҺАНГЕР ХАННЫҢ НЕМЕРЕСІ СҰЛТАН ШАҺИНГЕРЕЙ СЕЙДГЕРЕЙ ҰҒЛЫНА

Бекіткен талай қапыны*

Амалын тауып ақылмен

Бұзбай, жармай ақшаны,

Ашып аяқ басқаны.

Алғыр жүйрік сұлтаным,

Ақылың жетіп алысқа

Ілгеріні болжадың.

Болжағанның белгісі.

Атаңнан мұра қалған су

Көл Борсыны меншіктеп

Жағасынан жер алдың.

Бағарымға ұсатып,

Балахана жасатып,

Оямыш терек өсіріп,

Көлеңкесін түсіріп

Жасыл ала жол салдың.

___________

*Қапы – қақпа