РЕТТІ СӨЗДІ КӨП АЙТТЫМ
Страница 4 из 5
Асылзада адамның
Жақтауына кез болып,
Талай жерде адалдық
Қаралықтың басынан
Жағып салып аттайды.
Тауы бір қайтып қалған соң,
Қайтадан тұрып қайрылып,
Жабысуға батпайды,
Ұрсадағы қаппайды.
Жаз күнінің белгісі –
Қаңқылдап қазы келеді.
Жапырағы жайқалып
Ағаштар көрік береді.
Бәйшешек гүлдер құбылып,
Тұрғанын көздер көреді.
Жамандардың белгісі –
Шайтандыққа ереді.
Жақсылықты жад етпей,
Жаман жолға сенеді.
Жақсылардың белгісі –
Жақсы үлгі береді.