ЗАМАНАНЫҢ АДАМЫ

                VI

Ұйқы қанды тұралық,

Тұрып кеңес құралық.

Осынау бір кездерде

Күліп тұрған ел де бар,

Біліп тұрған ел де бар,

Қайсысында бұл халық.

Жыламаған балаға

Емшек бермес анасы

Керегіміз сұралық.

Біздің үшін ешкім де

Алып келіп «мә» демес,

Тірлік етіп қаралық.

Бір ауыздан сөз шығып,

Бір жеңнен де қол шығып

Тұрған елдің саналып,

Жүмләсінен* шығалық.

Тіршілік керек, жігіттер,

Түспей тұрып мойынға

Қылдан еспе бұғалық.

___________

*Жұмлә - бұ жерде бірлігінен, алқасынан.