ЗАМАНАНЫҢ АДАМЫ

Заманның түрлі жайынан,

Халықтың әрбір халінен,

Хабарсыз тұру шарт па екен?

Жұрт білгенді, біз біліп,

Жұрпен қатар күн көру

Сүле жолға жат па екен.

Я болмаса бұлары

Пайғамбардан соң шыққан

Бір бадғат зат па екен?

Тауарихты қарасаң,

Көріне рас дұрысы,

Ашылар жолдың бұрысы.

Саф ғылымның шырайы

Көңіліне құйылса,

Шипа тауып жазылар,

Тұла бойың құрысы

Жүрегіңнің тырысы.