ЗАМАНА ЖАЙЫНАН

Ақ орданың ішінде

Кербездер ару бар еді

Ши жібекке көмілген.

Толған айдай нұрланып

Толқын жүзі көрінген,

Көрінсе көңіл бөлінген.

Жігерлі жігіт бар еді

Ауызға жастан ілінген.

Адалдық, ақтық бар еді

Әрбір істе білінген.

Ерлер құнды, мал пұлды

Болған заман бар еді

Өте шықты аз уақыт

Өң мен түстей көрінген.

Біз бір сондай ел едік

Күні бүгін болғанда

Жұрдай болып жүр едік

Айырылып тегіс қолдағы

Бақ, дәулеттен ілінген.