ЗАМАНА ЖАЙЫНАН

Қазақтықта бір сөз бар:

Жаман жүрген жүрімнен

Жақсы өлім көрген игі еді,

Жаманмен көрген күнімнен,

«Кірген көрім игі еді».

Атамнан қалған бұл сөзді

Қайда тастап кетейін?!

Кетпегенім белгісі:

Заманымда не түрлі

Атқа мінген бала бар,

Ел бастаған аға бар.

Не жүрісте жүргенін

Білмей де ерген және бар.

Бар дерге де бомайды

Жоқ дерге де болмайды

Көріп тұрған бұларды

Жүректе бітпес жара бар.