ТУМЫШ

                          IX

Төртінші сөз кезегі құрбыларға,

Ақ неке көрген қызды, ұлдыларға.

Жарымен жақсы тату ғұмыр сүріп,

Басында бар дәулеті бұлдыларға.

Жас толып, бедел толық, көңілі шат

Бітімі хан ұлындай сындыларға.

Алдыңа ала қағаз жайып салып,

Бас болма, жас көңілді соңғыларға,

Бас болып жас жандарға үлгі беріп,

Себепші болма оларды қор қыларға.

Бас болсаң, баста оларды жақсылыққа

Жаманға басшы болу жол болар ма?!

Бастасаң жас жандарды оңға баста,

Жамандық істегенің оң болар ма?!

Сақалды бала болып ойын ойнау

Өзіңе осы лайық қол болар ма?!

Жаныңа ойыншы ертіп, арам жинап,

Дәулетің артып сомен мол болар ма?!

«Атаның балаларынан бақыт тайып,

«Битқотыр болар деген қор боларда».