ТУМЫШ

                              IV

Мұнан соң деңіз сәлем молдаларға

Құдай деп жолды күткен жорғаларға.

Молдалар туазғылы болған жақсы

Көңілді емес лайық зор баларға.

Ақырауи, ұқырауи деп бос қалмаңыз,

Дүнияуи о да керек қолданарға.

Хұқымын шариғаттын тегіс жүргіз,

Байлар деп дұрыс емес қорғаларға.

Шариғат үкімі тегіс бай, жарлыға.

Бұрмалап көне бермес жөн қарарға.

Түбінде әділ қазы қор болмайды

Бек әжет осы жерде ойға аларға.

Қанша оқып, молда болып шықсандарда,

Бағытты керек әуел оңғарарға.

Теріс бағыт, тентек молда болып шықсаң,

Дөп тұрсын мақсұтыңнан қорғаларға.

Біз бір халық оқу жағы ретсіз тұрған

Бұ жерлер сізге міндет ойланарға.

Ет пайда, халқыңды ойла, керек емес

Бұл жолға жалқауланып бой баларға.