ТУМЫШ

                             XX

Әй, қазақ, оқы, таста ғапілдігін,

Бұл сөздер айтқан саған жақындығым.

Жақындық жолыменен айттым үгіт,

Айтпадым ішке симай ақындығым.

Жан ашып айтқан сөзді жақсы тыңда,

Жақынның білу тиіс жақындығын.

Бұл заман білік, өнер заманы-ды,

Бұрыңғы іске аспайды батырлығың.

Өнер тұт, босқа жүрме жалқауланып,

Тілін ал, берсе тәлім ақылдының.

Бос жүріп, құр әңгіме артына еріп,

Налытпа шаруа деген бақырлығың.

Налытсаң шаруаңды білек соғып,

Ақалға мұның, бақыр, тақырлығың.

«Сөз бақсаң – пәле таптың» деген қарттар,

Қара сен бұ бір сөздің мақұлдығын.

Сөз баққан, бәле тапқан сол емес пе,

Жақынның сөз кетірер татымдығын.

Сөз бітті, тәмамына келіп жетті,

Оқушы, өтінемін бақылдығын.

 

                                        тәмәм

                                                   1910 жыл Сарыатан.Ішкі орда