ТУМЫШ

                             XV

Алтыншы, әйелдерге рет келсін,

Қыз балалар шешесіне рет берсін.

Атадан бала соң-ды, анадан қыз,

Бұлайша сөз фасылы* реттелсін.

Ажары, тазалығы, құлық әдебі,

Әйелдер бұл үш затты әдеттенсін.

Қолданып бұл үш затты әйел адам,

Әуелі өз бастары әдептенсін.

Қыз бала анасынан үлгі алады,

Екінші қыздарына әдеп берсін.

Әйелдің көркі – ұят, зейнеті – құлық,

Қыз бала ұяттыдан үлгі көсін.

Ұятсыз бейхаяны** көріп өскен

Балалар неғып түзу жөнді болсын?!

Ұл өсер ата көріп, ананы қыз,

Бұ сөзді әйел адам жақсы білсін.

Ерінің жүзін  жыртып қарсыласса,

Бүйткенше ол бишара көрге кірсін.

Иттейін ырылдасып ғұмыр сүріп,

Не қайыр табатыны құдай білсін?

_________________

 * Сөз фасылы – сөз жүйесі.

 ** Бейхая – ұятсыз, бейбастық мағынасында.