ТУМЫШ

                         ХI

Бесінші, кесін кезек жас жандарға,

Ақылы жастықпенен мас жандарға.

Жасынан жаман әдет тауып алып,

Әдептің сызығынан асқандарға.

Адасқан әркімдердің жолын қуып,

Жолынан жақсылықтың қашқандарға.

Әй, сіздер, адаспаңыз жас балалар,

Жақсылықты, жамандықты тастаңдар да.

Әдепке осы күннен мойын қойып,

Адамдық жақсылықты бастаңдар да.

Жасыңда жақсылыққа үйренбесең,

Түзелу қиын жасы асқандарға.

Сіңеді сүйегіне жастағы әдет,

Аяғын өнбес асып басқандарға.

Қалмайды бір бойыңа сіңіп алса,

Қаншама бұл әдеттен қашсандар да.

Құдайым жаста берер берген жанға,

Ұстатпас жас өткен соң атсаңдар да.

Құйрығы қолдарыңа ілінбейді,

Ұстарға айла құрып бақсаңдарда.