IV СЫРЫМ БАТЫР

Намаздан шыққан жамағат

Ханның барды үйіне.

Батыр да бірге барыпты

Мешіттен шыққан күйінде.

Хан үйіне кірерде

Кебістерін тастасып

Кіріп жатыр ретпен

Қазысы да, биі де.

Батыр кіріп келіпті

Етігін шешпей аяқтан

Мүфти, қазы отырған

Төрдегі зал үйіне.

«Аяғың лас, әй, қазақ,

Етігіңді таста!» деп

Қылыш асынған біреуі

Батырды жолдан ірмеді.

Кідіре беріп батыр да

Оған қарсы бүй деді:

«Дін ашылған жер десем

Боқ басылған жер ме еді?