ЗАМАНА ЖАЙЫНАН

Таза арғымақ сайлаған,

Найзаға жалау байлаған,

Дұспанның тобын тоздырған

Тоғытқан қойдай айдаған,

Қияқты найза таянған,

hәр  қайсысы жүз кісіге баланған,

Ер қазақтың баласы

Бастан дәулет кеткең соң,

Шырқ айланып бұ жалған

Жапасын түрлі еткен соң,

Бұлы кетіп басынан

Жаман жол тауып жасынан,

Ащы суға мас болып,

Бір-біріне қас болып,

Ала болып ауызы,

Басшы болып жауызы,

Тарттырып тұр қоңынан,

Адасып тұр жолынан.