НОҒАЙЛЫ
Ноғайлы ер туысқан елім екен,
Кір жуып, кіндік кескен жерім екен.
Суы бал, оты – секер қайран Борсы,
Ордалық кең орнаған көлім екен.
Қайыспас қабырғалы қалың жұртым,
Дұшпанға қарсы тұрар белім екен.
Сыйласып сыр сақтаған азаматтар,
Ағайын арасында желім екен.
Ел іші – алтын бесік, тербеген гүл,
Жүрекке салған желі керім екен.
Адал сүт әз анадан емген ердің,
Көңілі елге қарай иеді ме екен:
Бірге өсіп жамандығын көрмей кетсем,
Тілекті қадір ием берер ме екен?